في الحلقة اللي فاتت وقفنا فين
أيوه افتكرت ..... لما السلطان استعان بالفرنسيس لنفي بيرم
فعلا تم النفي لكن مولانا حاكم تونس رفض انه يخلي بيرم يشتغل أي عمل صحفي
بيرم طهق فقرر انه يسافر إلى بلاد النور .... فرنسا
وفي فرنسا ..... شاف أيام هباب بعيد عنكو
اشتغل في الحديد والصلب لما صدره باظ لكن ده ماخدوش من كتابة الشعر
وعشان بيموت في مصر قرر انه يسبب الغربة ويرجع بلده و بالفعل يستطيع الهرب والدخول الي مصر
لكن عشان حظه الهباب
واحد صاحبه اتكلم انه شافه قدام مخبر
قام صاحبنا مبلغ عنه برضو وتم ترحيله الي مرسيليا
رجع بيرم فرنسا واشتغل في مصنع كيماويات ومصنع حرير
وبالمرة كمان عرف ان مراته التانيه اتطلقت منه غيابي
وخلفت منه بعد ما سافر بنت
كانت حامل فيها منه
بيرم راسل شوية صحف علشان أكل العيش لكن بعد فترة اتنكر له أصحابه وهوه في الغربه
وتمر السنين
وبيرم بيحاول من غير ملل
المهم لقي طريقة يدخل بيها مصر تاني
وعشان جدته الجارية
فملامحة كانت اجنبية
دخل عن طريق ميناء بور سعيد
ودخل استخبى عند واحد صاحبه
وبعد كده استخبى في عيادة
وشويه عند واحد صاحبه
وصاحبه كان عارف وزير الداخلية جابله عفو وزاري بعدها عفو ملكي علي شرط يكتب قصيدة مدح في الملك
وبعد العفو
يتفرغ للسينما والمسرح والكتابة اللي منحته شهرة أوسع
وتعرف علي أم كلثوم
وتقوم الثورة ويساند الثورة
ويمنحه الرئيس عبد الناصر جايزة الدولة التقديرية
وفي قمة توهجه الأدبي والثقافي يصاب بالربو
ويسلم الروح في 5 اكتوبر 1960
وقد نعي نفسه قبل أيام من وفاته قائلا
قال: إيه مراد ابن آدم؟ قلت له: طقه
قال: إيه يكفي منامه؟ قلت له: شقه
قال: إيه يعجّل بموته؟ قلت له: زقه
قال: حـد فيها مخلّد؟ قلت له: لأ
فعلا مفيش حد مخلد يا عم بيرم
الأســـتاذ
|
الراجل ده فقري أوي
بس فنان عبقري بجد
عجبتني أوي دوسيهات الدواوين
يمكن عدت خمسين سنة
والحال هو هواه
والكلام لساه شغال
الله يرحمك ياعم بيرم