عم بيرم هو محمود بيرم التونسي
اتولد عم بيرم في حي السيالة عرفينه طبعا بتاع مسلسل عفاريت السياله... الشارع ده شهد اهم انقلاب في عالم الشعر العامي وهو ميلاد بيرم
عم بيرم الاب كان ابوه اصلا تونسي وكان ابن جاريه واهله رفضوا الاعتراف بيه ... عشان كدة سافر لمصر واتجوز وجاب ابو بيرم واتنين كمان ولكده سمو عم بيرم( التونسي ) .... عم بيرم كان اكبر مشاغب من صغرة اتعلم في المعهد الديني في جامع ابو العباس .... مات ابوه وهو في سن 14 واستلم المسكين دكان ابوه لكن حظه كان زي كل الشعرا قليل في التجارة لكن ربنا عوضه ده
عم بيرم كتب قصيدة بينتقد فيها المجلس البلدي عشان الانجليز كانوا بيعاملو المصريين علي اساس انهم اغراب وان البلد دي بتاعت ابوهم عشان كده كانو بيفرضوا ضرايب كتير..... الموضوع ده سخن عم بيرم وكتب قصيدة ومنهااللى منها الأبيات دى
قد أوقـعَ القـلبَ في الأشجـانِ والـكَمَـدِ
هوى حبيبٍ يُسَمّى المجلس البــــــلدي
أمـشي وأكــــتـمُ أنفــاســي مخـــافـةأنْ
يــعدّهـا عامــــلٌ للمجلـــسِ البلـــــدي
مــا شَرَّدَ النومَ عن جفني القريح سـوى
طيف الخيالِ خيال المجلــسِ البـــــلدي
إذا الرغـيفُ أتـى ، فالنصف ُ آكُـلُـــــهُ
والنصفُ أتــركــُه للمجلــــس البـــــلدي
وإنْ جلستُ فجَيْبِـــي لسـتُ أتـــركُــــهُ
خوفَ اللصوصِ وخوفَ المجلسِ البلدي
ومـا كسوتُ عيــالي في الشـــتاءِ ولا
فـي الصيفِ إلاَّ كسوتُ المجلسَ البــلدي
كَــــأنَّ أٌمّـــي بَـــلَّ اللــهُ تُربـــــــــتها
أوصَتْ فقالت : أخوك المجلس البــلدي
أخشـــى الــزواجَ إذا يوم الزفــافِ أتى
أن يَنْبَرِي لـعروسي المجلسُ البـــــلدي
ورُبَّمَــا وَهَـــبَ الرحمــنُ لـي ولــــــداً
في بَطْنِهـا يَـدَّعيه المــجلس البــــــلدي
وإنْ أقـمــتُ صـــلاتي قــلتُ مُفتتــحـــاً
الـلهُ أكــبرُ بــاسم المــجلس البــــــلدي
أستـغفــرُ الـله حتى في الصلاةِ غَـدَتْ
عِـــبادتي نصفُهـا للمــجلـس البـــلـدي
يـــا بائـــــعَ الفجــلِ بالمِلِّيـــمِ واحــدةً
كـم للعـيالِ وكــــم للمــجلـس البـــلـدي
ودي كانت فتحت خير علي عم بيرم لدرجة ان المجلس البلدي قرر انه يترجم القصيدة ..... الموضوع عجب عم بيرم فبدا يكتب اغاني وطنيه وفي الفترة دى يفقد زوجته ولكن عم بيرم مقدرش علي تربيه الاطفال اولاده محمد ونعيمه لذلك اتجوز بعد 17 يوم من الوفاة
بعد كدة انشأ مجلة المسله ..... واسم المسله ده عند عم بيرم كان له شويه دلالات كتير اولها انها اقتداء بالفراعنه في صنع المسلات لتخليد الذكري .... أوان المسله لها راس جارح شبه الابره يعني ممكن تعور
استقبل الشعب المجلة بفرحة واستمر صدور المجله للعدد 13..... وفي العدد ده كانت المشكله...... عم بيرم لسن علي ولي العهد الملك فاروق وقال انه اتولد بعد اربع اشهر بس من زواج ابوة وامه واغلق السلطان المجلة
عم بيرم مسكتش وعمل مجله تانيه اسمها الخازوق وكانت مخصصه للهجوم علي السلطان في جرايد شبهها اليومين دول
ولان بيرم مش مصري ويقع تحت حماية فرنسا فطلبت مصر مساعدتها فقررت فرنسا نفيه الي تونس
الأسـتــاذ في العدد القادم
بيرم في المنفي |
انتو بتهرجوا على فكرة
ثقافة دي كنت بحسبها واحد قاعد على كرسي هزاز وماسك كتاب ولابس نضارة ... والله العظيم أسلوبكم جميل جدا ... أنا مش بجامل ولا حاجة
بس عندي تعليق بسيط ... انتو شردتم الراجل خالص ... ابن جارية ... أبوه مش معترف بيه ... إيه يا جماعة الراجل يمشي فـ الشارع إزاي دلوقتي؟؟؟